Ano ang kinakatawan ng Soberano para sa mga Canadian?

Ang pinuno ng estado ng Canada ay isang namamanang soberano, isang hari o isang reyna. Ang posisyon ay ipinapasa sa pamamagitan ng Royal Family; walang inihahalal dito. Ang Soberano ay naghahari ayon sa Konstitusyon, na nangangahulugang sa ilalim ng tuntunin ng batas sa halip na higit pa rito. Ang Soberano ay isa rin sa tatlong bahagi ng Parliament. Ang papel ay sadyang hindi partisan: ang Soberano ay walang kinabibilangang partidong pampulitika at hindi kumakampi sa pagitan ng mga partido.

Para sa mga Canadian, ang Korona ay nagsisilbing sentro ng pagkamamamayan at katapatan. Ito ay pinakamalinaw na nakikita kapag bumibisita sa Canada ang mga miyembro ng Pamilya ng Hari/Reyna. Ang Soberano ay nagsisilbing simbolo ng soberanya ng Canada, bilang tagapagtanggol ng mga kalayaang pinoprotektahan ng Konstitusyon, at bilang isang buhay na paalala ng kasaysayan ng bansa. Ang ugali ng Pamilya ng Hari/Reyna na maglingkod sa komunidad sa buong buhay ay ipinapakita bilang isang halimbawa, na naghihikayat sa mga mamamayan na ibigay ang kanilang buong makakaya sa Canada.