Kaninong larawan ang lumalabas sa $5 bill?

Isang paglago ng ekonomiya ang naganap noong 1890s at unang bahagi ng 1900s. Lumawak ang ekonomiya ng Canada sa mga taong iyon, at mas malaki ang naging papel ng industriya dito. Dumagsa rin ang mga bagong dating: isang milyon mula sa Britain at isang milyon mula sa Estados Unidos. Ito rin ang panahon ni Sir Wilfrid Laurier, na nanungkulan bilang unang punong ministro na may lahing French-Canadian mula noong Confederation. Hinimok niya ang mga tao na manirahan sa Kanluran. Tingnan ang isang $5 bill at makikita mo ang kanyang larawan.

Ginawang posible ng riles ng tren ang paninirahan sa Kanluran. Bago ang 1914, dinala nito ang 170,000 Ukrainians at 115,000 Poles sa mga kapatagan, kasama ang sampu-sampung libong tao mula sa Germany, France, Norway at Sweden. Binungkal ng mga bagong dating na ito ang lupain at nagtayo ng isang umuunlad na sektor ng agrikultura kung saan halos walang mga sakahan noon.